§ 7 Suliniutitut qinnuteqarnermi piumasaqaatit
7.1 Suliniutitut qinnuteqaatit, nunaminertamik immikkoortitsilluni tunineqarnissamik qinnuteqaat, tapiliussanik makkunannga ilaqartinneqassaaq:
- Inississimaffissatut pilersaarut, inissiiffiusumik annertussutsimillu qinnuteqarfiusumut takutitsisisoq (situationsplan i 1:2.000).
- Atuuffissatut paasissutissat sanaartukkallu inissiffissaa (bebyggelsesplan i 1:500).
- Nunap pissusaata titartarnera sanaartugassatut siunnersuutaasup nassuiaasersornera nunap/sumiiffiup ilusaanut sanaartungaareersunullu sanilliussisoq.
- Pilersaarut ersersitsinerlu, nassuarneqarluni atortut, qalipaatit, assigutitaartut annertussutsillu sanaartorniakkami.
- Initussutsimik takutitassiat sanaartukkap isikkuani takutitsisoq, annertussusaa avatangiisaanut sanilli-ullugu.
- Qaammaqqutit allagartalersuutissallu pisariaqartitaanerinik nassuiaat.
- Erigigisassaqassappat suliniutip qanoq inississimanissaanut nassuiaat.
- Suliniutip akilersinnaassusaanut suliniutaasaup nassuiaataa.
- Sanaartukkamut piffissaliussuussat pillugit paasissutissat.
- Aningaasaqarnermut paasissutissat uppernarsaatitut pisariaqartut qinnutigineqartup piviusunngortinnissaanut.
- Sanaartukkani annerusuni pissutsit allat kommunalbestyrelsep qinnuteqaammut nalilersuinerani apeqqutaasinnaasut, atuuffiusussap kommunep pilersaarutaanut naapertuunnersoq ilanngullugu erseqqissaatigineqassaaq. Suliniummut qinnuteqaammi paasissutissat siuliani taaneqartut ilanngussimappata, qinnuteqaat kommunalbe-styrelsimit suliarineqassaaq. Nassuiaat itisiliisoq tapiliussap talerpiani takuneqarsinnaavoq.
Tapiliussaqartarneq Suliniutitut qinnuteqarnermi:
Atortussiat allassimaffiat periusissallu suliniuteqarnissamik qinnuteqaasiornermut atatillugu pilersaarusiornermut inatsimmi allannguuteqartitsinermi Pilersaarusiorneq aamma nunaminertat atorneqartarnerat pillugit Inatsisartut inatsisaata allanngortinneqarneranik Inatsisartut inatsisaat nr. 34, 9. december 2015 aamma Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-imeersoq (§§ 44a og 45a)
atortut allassimaffiat periusissallu suliniummik qinnuteqarnerm.pdf (31 KB)
§ 8 Nunaminertamik tunineqarnissamik pi-umasaqaat
8.1 Kommunalbestyrelsep kommunep pilersaarutaanut tapiusiunerluni siunnersuummik saqqummiisoqarpat sumiiffiit ilaannut suliniummik qinnuteqarnermut atatillugu, takuuk imm. 7.1 siuliani, nunaminertamut atuisinnaaneq inniminneersinnaavaa qinnuteqartumut ukiut marluk tikillugit (§ 45a).
Kommunalbestyrelsep toqqarsinnaavaa nunaminertamik inniminniineq ukiukkaartumik sivittortarniarlugu.
Nunaminertamik inniminniinerup qinnuteqartoq nunaminertamut pineqartumut atuisunngortissinnaanngilaa, kisianni qinnuteqartoq salliutittussanngorsinnaavaa taamatut atuilernissaanut, pilersaarutitut siunnersuut kingorna kommunalbestyrelsimit akuerineqarpat.
8.2 Qinnuteqartup suliniutitut siunnersuutaa minnerpaamik sapaatit akunnerini 6-ni ussassaarutigineqassaaq, kommunalbestyrelsemiit nunaminertamik inniminniinerup nalunaarutiginnginnerani. Piffisap iluani periarfissaqarpoq illuatungiliuttumik suliniummut siunnersuusiorsinnaaneq sumiiffiup atungaanissaanut, aammalu oqaaseqaatinik allanik saqqummiussinissamut.
8.3 Kommunalbestyrelsep aalajangersassavai piumasaqaatit suut pimoorussaasut isiginiagassallu, kiisalu piu-masaqaatit pingaarnersiukkat tunngaviliissanersut sanaartornernut/sanaartugassanulluunniit toqqaanermi isiginiarneqassanersut, tassunga ilaatillugu suliniutitut siunnersuummut illuatungiliuttumik saqqummiussisoqassappat.
Kommunalbestyrelsep nalilersuutigissappagu suliniutit naligiittut, makitsinikkut aalajangerneqassaaq kiap nunaminertatut inniminniigaq pissangaa. Makitsineq kikkut tamat peqataaffigisinnaasaatut ingerlanneqassaaq.
8.4 Nunaminertap inniminniikkap atorsinnaanissaanut, qinnuteqartoq kommunep pilersaarutaanut tapiissusiussaaq. Pilersaarusiatut siunnersuummi ilaatinneqassaaq suliniummut qinnuteqaat aallaavigalugu nunaminertamik inniminniikkamik tunniussisoqarsimasoq.
8.5 Pilersaarusiatut siunnersuut inaarutaasumik akuerineqariarpat qinnuteqartumut nunaminertamik tunniussisoqassaaq.
§ 9 Avatangiisinut nalilersuineq
9.1 Kommunalbestyrelse pisinnaavoq, nunaminertap qinnutigineqartup atornissaanut avatangiisinut nalilersui-soqartariaqartoq (SMV imaluunniit VVM), nunaminertamut atuisussaatitaanertut inniminniineq inniminneeq-qatissinnaavaa ukiut marluk tikillugit. (§ 44a).
9.2 Imm. 9.1 naapertorlugu inniminniineq taamaallaat ingerlanneqarsinnaavoq, nunaminertatut qinnutigineqartup atornissaa sumiiffiup tunngaviusumik pilersaarusiungaaneranut naapertuuppat imaluunniit § 32 malillugu inerteqqusiisoqarpat.
§ 10 Nunaminertamik inniminniineq
10.1 Nunaminertamik inniminniineq tassaavoq kommunalbestyrelsip agguaassinissamut piumassuseqarneranik ersersitsineq, nunaminertaq inniminniinermut piffissaliussap iluani qinnuteqaateqartumut allamut tunniunneqarsimanngippat imaluunnit tunniunneqartussaanngippat.
10.2 Nunaminertamik inniminniineq piffissamik killi-ligaavoq, sivisunerpaamik qaammatinik pingasunik sivisuseqarluni. Nunaminertanut illulianut sanaartukkanulluunniit annertunerusunut atugassanut, inniminniinermut piffissarititaasoq aaliangerneqarsinnaavoq sivisunerpaammik qaammatinik arfinilinnik sivisussusilerlugu.
10.3 Nunaminertamik inniminniineq nunaminertamut atuisinnaatitaalernermik pilersitsissanngilaq, isigineqassaarli piffissap iluani suliniummut aammalu aningaasaqarnikkut erseqqissaasiornissamut kommunellu pilersaa-rutaanut tapiliussamik pilersitsinissamut.
10.4 Nunaminertamik inniminniineq, annertunerusumik ilisimatitsissutitaqanngitsumik, atorunnaassaaq, inniminniinermi piffissaliussaq qaangerneqarsimappat.
§ 11 Nunaminertamik tunineqarnissamik pi-umasaqaat
11.1 Qinnuteqaateqartup piumasaqaataasut atugassarititaasullu qulaani taaneqartut naammassisimagunigit, qinnuteqaataasorlu aammattaaq pilersaarusiamut pineqartumut naapertuuppat, qinnuteqaateqartup nunaminertamik tunineqarnissani pi-umasaqaatigisinnaavaa.
§ 12 Nunaminertamik atugassinneqarnissamut pi-umasaqaat
12.1 Qulaani piumasaqaatit atugassaqaatillu qin-nuteqartumit naapertuutsinneqarpata, qinnuteqaallu atuutsitatut pilersaarusiornermut naapertuuppat, pineqartoq nunaminertamik atugassinneqarnissaminut piumasaqaateqarsinnaavoq.
12.2 Nunaminertamik oqartussaasoqarfiup nunaminertanik atugassiinerit nutaat NunaGIS/NIN-imi - Kalaallit Nunaanni Nunaminertanik Nalunaarsuiffimmi nalunaarsussavai.
12.3 Nunaminertalerinermik oqartussaasut nunaminertamik inniminniinerit pisortatigoortumik aalajangersaaffigineri saqqummiutissavaat (§48Aa). Saqqummiussinermi nunaminertamut killiliussat, atuuffissaanut killiliussat kiisalu utaqqisut allassimaffiani pingaarnersiukkat qinnuteqartunit nunaminertamut tassunga ilaatinneqassapput.
§13 32-inerteqqut
Kommunalbestyrelsi periarfissaqarpoq pissutsinut inerteqquteqassalluni, immikkoortumi aalajangersakkanik aalajangiinikkut pinngitsoorneqarsinnaasunut. Inerteqqut taanna ukioq ataaseq angullugu atuussinnaavoq ataasiaannarlunilu atorunnaarsinneqarsinnaalluni. Pingaaruteqarpoq inerteqqutip tamanut nalunaarutigineqarnissaa, kikkut tamarmik eqqumaffiginiassammassuk. Naalakkersuisut kommunalbestyrelsimik isumaqatigiinniareerlutik kommunimut pilersaarusiornerup qaqugu ingerlanneqarnissaanik piffissarititaasunik aalajangiisinnaapput.
Kommunimut pilersaarutit utaqqiisaasumik aamma inaarutaasumik inatsisitigut sunniutai
Kommunalbestyrelsip akisussaaffigaa kommunimut pilersaaruteqarnissaa, nunaminertanillu atugassiisarneq isumagisassaralugu. Kommunimut pilersaarummi aalajangersakkat illunut piginnittunut aamma nunaminertanik atuisunut inatsisitigut pituttuisuupput.
Kommunimut pilersaarutip imaluunniit kommunimut pilersaarummut tapiliussap inaarutaasumik akuerineqareerneratigut, pilersaarummi aalajangersakkanut nunaminertamilluunniit atugassiinermi piumasaqaatinut akerliusunik pilersitsisoqassanngilaq, immikkut ittumik akuersisoqarsimatinnagu.
Kommunimut pilersaarutissatut imaluunniit kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit atorneqassanngillat inaarutaasumik pilersaarummut sunniuteqarsinnaasunik. Qqaaseqaatinut allannguutissatullu siunnersuutinut saqqummiussinissamut piffissaliussap naareernerani piffissaagallartillugu oqaaseqaatinik akerliliissutinillu tigusaqartoqarsimanngippat kommunalbestyrelsi nunaminertat pilersaarummut naapertuuttumik sanaartorfiginissaat atorneqarnissaalluunniit kommunalbestyrelsip akuersissutigisinnaavaa. Aalajangersakkat taakku kommunimut pilersaarutissatut siunnersuutip inaarutaasumik tamanut nalunaarutigineqarnissaata imaluunniit tapiliussap inaarutaasumik tamanut saqqummiunneqarnissaata tungaanut atuutissapput, taamaattorli siunnersuutip saqqummiunneraniit naatsorsukkamik sivisunerpaamik ukiumi ataatsimi (§ 32-inerteqqut).
Sumiiffiup ilaanut aalajangersimasumut aalajangersagaliornikkut pissutsinik pinngitsoortinneqarsinnaasunik pilersitsisoqarnissaa kommunalbestyrelsip inerteqqutigisinnaavaa. Inerteqquteqarneq tamanna ukioq ataaseq angullugu atuussinnaavoq aamma ataasiaannartumik, aamma tamanut nalunaarutigineqassaaq.
Kommunalbestyrelsi isumaqatiginiareerlugu Naalakkersuisut kommunimut pilersaarutip naammassineqarnissaanut piffissaliussanik aalajangersaasinnaavoq.
Ineqarnermut Naalakkersuisoqarfik - Ilisimatitsissut:
Pisortat sullissinerannut suliffeqarfiutaannullu atugassanngortitanik nunaminertanik tunniussineq (§§ 41 -42)
arealer_til_offentlige_formaal.pdf (226 KB)