Kommunimut pilersaarutip piviusunngortinneqarnissaanut pissutsit allat eqqarsaatigalugit akuersissummik tunniussisoqarsinnaavoq. Taamaattoqarpat taava nunaminertalerisunut tamanna mianerinninnissamut periarfissiissaaq, assersuutigalugu illuutinut imaluunniit sanaartorfissanut pilersornissaannut immikkoortortap ilaata imminermini sanaartorfigissarnissaanut killinganiinngippat. Assersuutigalugu eqqaneqarsinnaavoq immikkoortuni nunaminertani ungasinnerusunut nunaminertanut sullissisunut attaveqaasersuutinik ikkussuisoqareersimappat, taava attaveqaasersuummut ikkussuunneqarsimasumi iluarsartuussassaqarpat oqartussat isersinnaasariaqarput. Ingerlaarfissiornissamut- aamma isersinnaalernissamut aningaasartuutit tamarmik pilersitsiniartumit akilerneqassapput, kiisalu nunaminertamik atuisussaatitaasoq taamaalilluni taamaaliortoqarnerata kingunerisaanik aningaasaqarnikkut kinguneqartussamik piumaffigineqarsinnaanngilaq. Sulineq nunaminertamut attuumassuteqartut oqaloqatigalugit ingerlanneqassaaq, taamaalilluni aaqqiissutissaq tamanut pitsaanerpaaq nassaarineqassaaq. A. Nunaminertamik atuisussaatitaasoq/sut nunaminertamik tunineqarnermik nutartikkamik nassiussivigineqassapput.