Illuliorfissat
Periarfissatut nutaanut qulequtaq "illuliorfissat" maanna nunap assingani (Nunap assinga) angisuumi takuneqarsinnaalerpoq aamma kommunimut pilersaarutip immikkoortortaanut tamanut nunap assigini. Qulequtaq taanna nutarterneqassaaq, kommunimut pilersaarummut tapiliussaq aqqutigalugu pingaarnertut tunngavissanut aalajangersakkat akuerineqarpata aamma nunap immikkoortuinut pilersaarummi aalajangersakkat nassuiaasersukkat nutaat akuerineqarpata. Qulequtaq aamma nutarterneqarsinnaavoq illuliornernut sanaartornernullu pilersaarutinut anginerusunut atatillugu. Kommunimut pilersaarutip nutarterneqarnerani minnerpaamik sammisaq nutarterneqassaaq.
Ilitsersuut: Illuliorfissamik atorneqanngitsumik qinnuteqarniaruit najukkanni Sullissivik imaluunniit nunaqarfiup allaffianut saaffiginnissaatit, tassani siunnersorneqarsinnaagavit illuliorfissaq maannakkut qinnutigineqarsinnaanersoq.
Killeqarfiit ungasissusaat
Sanaartorfissat 10 x 12 m-nik imaluunniit 12 x 16 m-nik angissuseqartarput aamma angissutsit sanaartukkamut kiisalu sumiiffiup qanoq ittuussusaannut naleqqussarneqartarlutik.
- Killeqarfiit ungasissusaat sanaartorfinnut ataasiakkaanut aamma killeqarfiit ungasissusaat sanaartorfinnut ataasiakkaanut 7,5 m-iuvoq, qatserisartoqarfik autosprøjtimik peqanngippat.
- Qatserisartoqarfik autopsrøjteqarpat killeqarfiup ungasissusaa 5,0 m-mut appartinneqarsinnaavoq.
- Killeqarfiit ungasissusaat klasse 2 qalliiutinik atuinermit aallaavilimmik naatsorsorneqarpoq.
- Ungasissusissamut killigititaq apparteqqinneqarsinnaavoq qalliut klasse 1 imaluunniit qalliut ikuallassinnaannginnerusoq atorneqarpat.
- Naatsorsuinissamut naatsorsuutigisat allat Illuliornermi maleruaqqusami takuneqarsinnaapput.
- Sanaartorfissat kommuneplanimi Sumiiffinni pilersaarutini aalajaangersakkani sukumiisut ilaapput, aamma taanna kommunalbestyrelsimut periarfissiivoq malittarisassanik immikkut ittumik allannguisinnaanermik.
Aaallerfik: Illuliornermi maleruaqqusat sukkulluunniit atuuttut.