Kommunimut pilersaarut 2014-2026 Qaasuitsup Kommunianut ataatsimoorussamik kommunimut pilersaarutaasimavoq siulleq aamma kommuninit arfineq pingasunit kommunimut pilersaarutit siusinnerusumi 2009-mi kommuninik aaqqissuusseqqinnermi katiterneqarsimasut taarserpai.
Kommunimut pilersaarutaasimasut arfineq pingasut piffissani assigiinngitsuni suliarineqarput aamma assigiinngitsunik suleriaaseqarput. Taamaattumik kommunimut pilersaarummut digitaaliusumut katersorneqarput nassuiaammut aamma aalajangersakkanut naapertuutilernissaat qitiutillugu. Kommunit katitigaanerisa kingornatigut ilutigalugu nunaminertanut tunngatillugu sulianut malittarisassat assungiissaarnissaannut pisariaqartitsisoqalerpoq ammasumik aamma ataqatigiissumik allaffissorneq qulakkeerniarlugu.
Tamanna malinniarlugu aalajangersakkanik aalajangersimasunik – malittarisassat assigiissaakkat suliarineqarput, nunaminertanik aqutsinermi assigiissaartumik ammasumillu qulakkeerinnittussat. Aalajangersakkat taakkua suliassaqarfinni assigiinngitsuni ataatsimoorussamik malittarisassanut tunngavinnullu aalajangersaapput aamma pilersaarummi inatsisitigut teknikikkullu aalajangersakkani aaqqissuussaalluartumik assigiissaakkamillu oqaasertaqarluni. Tamatuma ammanerulerneq pilersippaa, paatsoornissanut aarlerinartunik annikillisippaa aamma suliat nunaminertanut tunngasut aqunneqarnerat oqinnerulersippaa pilersaarusiornermi allanngorarnerit pisariaqanngitsut pinngitsoortinnerisigut.
Kommunimut pilersaarummik digitaalinngortitsinerup innuttaasunut aamma inuussutissarsiortunut pissarsiariuminarnerulersippaa atoruminarnerulersillugulu. Tamarmik pilersaarut ajornaquteqanngitsumik pissarsiaraat ingerlaavartumillu nutarterinerit ingerlanneqarsinnaapput tamatumalu nutarterneqartuarnissaa qulakkeertippaa. Ringbindinut naqqiuteqarnissaanut aamma najukkap allanngorneranut aamma uppernarsaatinik taarsiinermi allaffissornikkut unammilligassanut pisariaqartitsineq peerpaa.
Qaasuitsup Kommuniani kommunalbestyrelsimit kommunimut pilersaarut digitaaliusoq nutaap tamanut pissarsiariuminarnissaa pingaartinneqarpoq. Taamaattumik atuffassisulerneqarpoq allisaatilerneqarlunilu imaanit atuarnissamut tusarnaarnissamullu ajornannginnerulersitsisumik. Anguniagaavoq kikkut tamarmik – oqaatsit, isigiarsunneq imaluunniit allatap paasinissaanut ikorfartorneqarnissamut pisariaqartitsineq apeqqutaatinnagit – kommunimut pilersaarut ajornaquteqanngitsumik atuarneqarsinnaanissaata qulakkeerneqarnissaa.
2018-imi Qaasuitsup Kommuniata avinneqarnerata kingorna Kommune Qeqertalimmut nutaamik kommunimut pilersaarusiortoqarpoq. Kommuninut marlunnut avinneqarpoq: Avannaani Avannaata Kommunia aamma kujataani Kommune Qeqertalik. Kommune Qeqertalimmit inoqarfiit anginerit sisamat Aasiaat, Qasigiannguit, Qeqertarsuaq aamma Kangaatsiaq kiisalu inoqarfiit minnerusut ilaapput. Kommune Qeqertalimmut kommunimut pilersaarut nutaaq suliap taassuma inerneratut pilersinneqarpoq.
Qaasuitsup Kommunianut aamma Kommune Qeqertalimmut kommunimut pilersaarummi 2017-imut Pilersaarusiornermut periusissiaq tunngavigineqarpoq.
Piffissap qinersiviusup nutaap aallartinnerini tamani Pilersaarusiornermut periusissiamik nutaamik suliaqartoqartarpoq, kommune qanoq nutarterneqassanersoq imaluunniit akuerineqassanersoq.
2023-mut Pilersaarusiornermut periusissiami Kommune Qeqertalimmut Kommunimut pilersaarut 2018-2030-mik nutarterinermut malittarisassanik aalajangersaavoq.
Kommune Qeqertalimmut Kommunimut pilersaarummut 2025-2037-mut siunnersuut taanna Pilersaarusiornissamut periusissiap kinguneraa.
Atortut tulliuttut qulaaniittunut tunngaviliipput.
Pilersaarumut tunngassuteqartunut Link:
Illiuusissatut pilersaarut 2017 (Qaasuitsup Kommunia)
Illiuusissatut pilersaarut 2023 (Kommune Qeqertalik)
Kommunep pilersaarutaa 2014-26 for Qaasuitsup Kommunia
Najugaqariaatsip nalilersuiffiginera
Inatsisissatut siunnersuut Qeqertalik Kommunip pilersaarutaa 2025 - 2037-mut
https://qeqertalik.cowiplan.dk/gl/kommuneplan-2025-2037-gl/
Aasiaat Kommuneplaniat 1993-2005:
148,93 MB & 86,23 MB
Kommuneplan 1998-2010 for Kangaatsiaq:
77,85 MB & 10,96 MB
Kommuneplan 1993-2005 for Qasigiannguit:
Qeqertarsuaq Kommuneplaniat 1993-2005:
21,50 MB & 6,97 MB
De Gule Bynotater
Bevaringsværdige bygninger og bydele er beskrevet i de gule bynotater udgivet af Økonomidirektoratet i 1990.