Pilersaarutip nassuiaatitaa

Kommune Qeqertalimmi Kommunimut pilersaarummut 2025-2037-mut Pilersaarusiornermut nalunaarusiaq.

  1. Aallaqqaasiut Kommune Qeqertalimmut 2025 Pilersaarusiornermut nassuiaat kommunimut pilersaarummut qitiusumik inissisimavoq pilersaarusiornermut pingaarnertut ineriartortitsinissami siunertanut kommunimilu sanaartornikkut pilersaarusiornermut imaqarluni. Pilersaarusiornermut nassuiaat tunngaveqarpoq Pilersaarusiorluni periaaseq 2023-mik nunaminertanik atuineq illoqarfimmillu ineriartortitsineq nuna tamakkerlugu najukkanilu anguniakkat ataqatigiissaarinissaq qulakkeerlugu.
  2. Inatsisitigut toqqammavigisaq Kommunimut pilersaarut suliarineqassaaq makku naapertorlugit:
  • Pilersaarusiorneq aamma nunaminertat atorneqartarnerat pillugit Inatsisartut inatsisaata allanngortinneqarneranik Inatsisartut inatsisaat nr. 34, 9. december 2015-imeersoq.
  • Pinngortitamik avatangiisinillu illersuineq pillugu Inatsisartut inatsisaat
  • Pilersaarusiorneq aamma nunaminertat atorneqartarnerat pillugit nalunaarut
  • Suliassaqarfinnut tulluartunut allanut inatsisit maleruaqqusallu, pilersaarusiornermut pingaarutillit.
  1. Suliniuteqarfissat pingaarnerit:
  • Inoqarfiit aaqqissuussaanerat: Pilersaarummi taaguutit "illoqarfiit nunaqarfiillu" taarserneqarput "inoqarfiit" atulerlugit inoqarfiillu inuttussusii aallaavigalugit immikkoortiterneqarlutik.
  • Nunataminertamik atuineq: Immikkoortortani aalajangersakkanik, nunaminertanik immikkoortitsinernik aamma inissiaqarfissatut, inuussutissarsiuteqarfissatut, attavilersuuteqarfissatut sukisaarsartarfittullu siunertalinnik nutarterinerit.
  • Immikkoortortanut pilersaarusiortarneq: Nunap immikkoortuinut pilersaarutinut piumasaqaatit, ineriartortitsinissamut pilersaarutinut aalajangersimasunut nunap immikkoortuinut pilersaarutinut aalajangersakkat ilanngullugit.
  • Piujuartitsineq aamma silap pissusaanik mianerinninneq: Pilersaarusiornermi silap pissusaata ilaatinneqartarnissaa, soorlu saqqarsarnermik anorersuartarnera silallu pissusaata allatigut sunniuteqarsinnaanera eqqarsaatigalugit.
  • Nukissiuutit aamma attaveqaasersuutit: Nukissiuutinik ataavartunik, erngup nukinganik nukissiorfiliornissanut pilersaarutit ilanngullugit, pilersaarutinik ilaatitsineq.
  • Qasigiannguit eqqaani erngup nukinganit nukissiorfiliassap killiffia
  • Pilersaarutip allaaserinera
    Qasigiannguit eqqaani erngup nukinganik nukissiorfiup Aasiaat Qasigiannguillu innaallagissamik pilersussavai. Nukissiorfimmut ilaapput innaallagissap sarfaanik napparussuit ledning-illu aqqutaat, sakkortusaaviit/sakkukillisaaviit (transformerstationer).
  • AVATANGIISINUT SUNNIUTINUT NALILERSUINEQ
    Avatangiisinut sunniutinut nalilersuineq ingerlavoq, nukissiorfiullu attaveqaasersuutai ilanngullugit avatangiisinut sunniutigisinnaasai nalilersorneqarput. Tamatumani siunertaavoq qulakkiissallugu piujuaannartitsineq avatangiisinullu sunniutit annikillisinneqarnissaat.
  • Kommunimut pilersaarummut tapiliussaqPilersaarusiaq pissutigalugu Kommune Qeqertalimmut kommunimut pilersaarummik nutarterinissaq pisariaqarpoq, ilanngullugu nukissiorfiup attaveqaasersuutaasalu nunaminertamik atuinissaat periarfissinniarlugu tapiliussamik suliaqartoqarnissaa.
  • Nukissiorfinnik akuutitsineqNukissiorfiit nukissiornermut akisussaasuupput erngullu nukinga atorlugu nukissiorfiliornissap pilersaarusiornissaa ingerlanneqarnissaalu pilllugit qitiusumik inissisimalluni, kiisalu Aasiaat Qasigiannguillu innaallagissamik pilersorneqarnissaannut akisussaasuulluni.
  • Aningaasanut inatsit piffissalersuinerluPilersaarut Kalaallit Nunaanni nukissiuuteqarnikkut periusissiamut ilaavoq 2024-imullu aningaasanut inatsimmi aningaasaliiffigineqarluni. Suliniutip immikkoortua siulleq 2027-imi naammassissangatinneqarpoq.
  • EqikkaaneqQasigiannguit eqqaani erngup nukinganik innaallagissiorfiliassaq Kalaallit Nunaata siunissami nukissiuuteqarnikkut pilersorneqarnissaanut qitiuvoq, Avatangiisinut sunniutinut nalilersuinermi (VVM)-mi, kommunimut pilersaarummut tapiliussami Nukissiorfinniillu tapersersorneqartoq. Pilersaarut nuna tamakkerlugu nukissiuutinik ineriartortitsinermi periaasissiamik tunngaveqarpoq.

4. Atortuulersitsineq malitseqartitsinerlu

Pilersaarutip nassiuaataa tunngavissiivoq kommunimut pilersaarutip atorneqarnissaanut atortuulersinneqarnissaanullu. Malitseqartitsineq kommunip pilersaarusiornermut allaffeqarfiani ingerlaavartumik pissaaq aamma pisariaqratitat ineriartornermilu sammiviit aallaavigalugit kommunimut pilersaarummik nalilersueqqittarnikkut.