Iliuusissatut pilersaarut 2023 Kommune Qeqertalimmi iliuusissatut pilersaarutaavoq siulleq, kommunip avin-neqarnerata kingorna. Iliuusissat saqqummiunnerisigut Kommunalbestyrelsip saqqummiuppai politikkikkut takorluukkat, naleqartitat suliniuteqarfissallu.
Iliuusissatut pilersaarummi 2023 aalajangersarneqarpoq, Kommune Qeqertalimmi kommunimut pilersaarut 2018-2030 qanoq nutarterneqassanersoq. Siunertaavoq Kommune Qeqertalimmi kommunimut pilersaarut nutaaq 2025-2037-imut tunngasuussasoq.
Kommunalbestyrelsi 2023-imi kommunimi innuttaasut akornanni tusarniaasimavoq. Kommunalbestyrelsip pingaartissimavaa, ammasumik innuttaasunillu peqataatitsilluni tamatuma suliassap
suliarineqarnissaa.
Piffissap tusarniaaffiusup iluani tusarniaanermi akissuteqaatit 12-it tiguneqarput, kiisalu parti Siumumit ikinnerussuteqarlluni oqaaseqaat. Tusarniaanermi akissuteqaatit oqaaseqaatillu tamarmik takorluukkamut, naleqartitanut periusissiorlunilu suliniuteqarfissatut siunnersuummut nassiunneqartumut sanilliullugit nalilersorneqarput. Parti Siumumit ikinnerussuteqarluni oqaaseqaatip malitsigaa, Periusissiorluni pilersaarut 2023 maanna periusissiorluni suliniuteqarfissanik 14-nik imaqalernera.
Periusissatut pilersaarut uani aajuk
Atuarluarisitoq
Kommunalbestyrelse sinnerlugu
Borgmester Ane Hansen
Takorluugaq
Suleqatigiinnissamut isumaqatigiissummi takorluugaq aalajangerpaa: Kivitseqatigiissaagut.
Pingaartitat
Kommunalbestyrelsip 2020-mi naleqartitat sisamat akuerai:
Ataqqeqatigiinneq.
Attaveqaqatigiinneq.
Suliamik pimoorussineq
Periaasissatigut iliuuseqarfigisassat
Suleqatigiinnissamik isumaqatigiissummi periusissiorluni suliniuteqarfissat 14-it aalajangiunneqarput:
Kommune Qeqertalimmi eqaatsumik pitsaasumillu aqutsineq ingerlatissavarput
- Inuit ataasiakkaat sunniuteqaqataanerat
- Siusissukkut iliuuseqartarneq
- Meeqqat atuarfia
- Utoqqarnut suliassaqarfik
- Innarluutilinnut tunngasut
- Meeqqat inuusuttuaqqallu sunngiffimmi ornittagaat
- Pinaveersaartitsineq
- Inuutissarsiornermi inerisaaneq
- Qimuttut
Kikkut tamarmik toqqissisimanartumik angerlarsimaffeqarnissamik pisinnaatitaaffeqarnerat